टाइमफ्रेम प्रदर्शन उत्साहात !

पुणे ( पुणे सुपरफास्ट न्युज ) - सर्वांचा लाडका गणपती बाप्पा, सूर्योदय सूर्यास्ताच्या वेळी नभात होणारी विविध रंगांची उधळण, आकर्षक विविध जातीची फुले, घरट्यातील इवलीशी पिल्ले, अथांग सागर किनारा, प्राचीन मंदिरे,जंगलातील वन्यप्राणी, विविध सूक्ष्म कीटक, वृक्ष, निरागस बालकाच्या विविध मुद्रा, लग्न समारंभातील अविस्मरणीय क्षण, बघताच क्षणी तोंडाला पाणी सुटेल असे विविध खाद्य पदार्थ आणि हे सर्वबघताना हरकुन गेलेले आबालवृद्ध.. निमित्त होते टाईमफ्रेम छायाचित्र प्रदर्शनाचे. घोले रस्त्यावरील राजा रवि वर्मा आर्ट गॅलरीत छायाचित्र प्रदर्शन भरवण्यात आले होते. युवा छायाचित्रकार अंगद जोशीआणि त्याच्या विद्यार्थ्यांनी काढलेली 250 हून अधीक छायाचित्रे या प्रदर्शनात समाविष्ट कण्यात आली होती.

या प्रदर्शनाअंतर्गतच पार पडलेल्या प्रश्नमंच या कार्यक्रमालाही रसिकांचा प्रचंड प्रतिसाद मिळाला. अत्याधुनिक कॅमरा व त्याची सर्व सामुग्री जवळ असताना  बर्‍याच वेळी त्या उपकरणाचा नेमका उपयोगकसा करावा हे माहीत  नसते किंवा बरेच जण फोटोग्राफी छंद  म्हणून जोपासावी की व्यवसाय म्हणून स्वीकारावी या संभ्रमात  असतात नेमका त्यांच्या मनातला हाच   प्रश्न ओळखून अंगद जोशी यांनीअतिशय सोप्या भाषेत त्या सर्व   प्रश्नाना   उत्तरे दिली. तरुणवर्गा इतकीच जेष्ठ नागरिक व शालेय विद्यार्थ्यांनी या प्रदर्शनास हजेरी लावली होती. अंगद जोशी फोटोग्राफी तर्फे या प्रदर्शनाचे आयोजनकरण्यात आले होते.