वृत्तसंस्था (पुणे सुपरफास्ट न्यूज) -
आफ्रिका व भारतातील सिंहाची प्रजाती नष्ट होण्याच्या मार्गावर असून त्यांच्या संख्येत लक्षणीय घट झाली आहे. धोक्यात असलेल्या प्राण्यांच्या प्रजाती यादीत त्यांचा समावेश करण्यात आला आहे. अमेरिकी मत्स्य व वन्यजीव सेवा संस्थेने म्हटले आहे की, पँथेरा लिओ (सिंहाची प्रजात) ही भारतात तसेच पश्चिम व मध्य आफ्रिकेत आढळते, ती धोक्यात आली आहे. पूर्व व दक्षिण आफ्रिकेतील पँथेला लिओ मेलानोचॅटा या प्रजातीचे अस्तित्वही यापुढील काळात धोक्यात येणार आहे. धोक्यात येत असलेल्या प्राण्यांच्या संभाव्य यादीत सिंहाच्या या प्रजातीचा समावेश आहे. त्यामुळे काही वर्षांनी केवळ चित्रात पाहायचा प्राणी म्हणून सिंहाची वर्णी लागते की काय, अशी भीती निर्माण झाली आहे. आर्थिक साधने अपुरी पडत असल्यानेही सिंहांना वाचवण्यात अपयश येत आहे.
